Ola a todas e todos vós!

Desexando que dispoñades de ferramentas suficientes para ter unha boa calidade de vida e doses de optimismo e forzas para afrontar o día a día, dicirvos que:

Dende o Comité en Primeira Persoa de FEAFES Galicia ofrecémosvos participar neste concurso para o cal se precisan:

• Ilusión e ganas de aproveitar algo de tempo dedicado a vós
• A cuestión está en escribir un relato breve!

Estades todos e todas preparadas con papel e bolígrafo para crear ese bo relato que nos sorprenderá?

Sabede que o importante é comunicarse e expresarse; polo tanto, este concurso poderá axudarvos como terapia ou simplemente como modo de entretemento.  A través das artes, as persoas expresámonos e estas axúdanos no noso día a día. 

E se ademais compartimos e difundimos as nosas creacións, poden aumentar os beneficios! Cada texto, relato ou creación será única, enriquecedora, gratificante e especial.

Podedes consultar as bases do concurso literario aquí

Grazas de antemán e quedamos á espera dos vosos relatos curtos!

Comité en Primeira Persoa de FEAFES Galicia