Como xa sabedes, a piques estamos de arrincar coa última e derradeira folla do calendario do mes de decembro deste 2021.

Nestes 365 días sabemos que houbo algo de todo. Intres de moita ilusión, momentos apertados de traballo, días máis fracos, etc. Polo tanto, queremos compartir con todas e todos vós este período de reflexión, onde vos invitamos á reflexión dende a distancia do voso ano 2021.

E o máis importante, o momento dos agradecementos: moitas grazas por estar aí, dun xeito ou outro, pois sen as vosas aportacións, visitas, comentarios, lecturas, etc., nada disto sería posible e carecería de sentido.

Desexarvos a ilusión desa cativa e ese cativo pequechos que saltan de ledicia pisando charqueiras de auga recentemente chovida a pesar das rifas dos maiores a cargo deles e elas.

Pois aquí nos tedes, desexándovos o mellor agora, mañá e sempre.

Atentamente: o Comité en Primeira Persoa de Saúde Mental FEAFES Galicia.

A por todas, porque o valedes e merecédelo: Equipo de Mentalizacción.