O Comité en Primeira Persoa Feafes Galicia lanza unha campaña sobre a importancia da inserción laboral

“Nós vémolo claro, ti que ves?” É a pregunta que a campaña fai a través dunha serie de fotografías que presentan a parellas de persoas nun contorno laboral, das que unha ten un problema de saúde mental e a outra non. Invítase así a tratar de diferenciar a maneira na que a sociedade as ve, e aprender as dificultades que padece o colectivo á hora de atopar un emprego.

A pesar das semellanzas, ter un problema de saúde mental crea dificultades para conseguir e manter un posto de traballo a causa do estigma asociado a el.


Traballar é unha das bases fundamentais para conseguir a inserción plena das persoas, e ter as mesmas oportunidades de acceso é unha das loitas que o Comité en Primeira Persoa Feafes Galicia ten como prioridade na súa tarefa diaria. Pero non só atopar emprego, senón emprego de calidade; por máis cualificadas que estean as persoas con problemas de saúde mental, é difícil que accedan a traballos fóra do sector da limpeza ou similares.


O lanzamento da campaña adiántase á conmemoración do Día Mundial da Saúde, o 10 de outubro, que este ano ten como lema “Saúde mental e benestar: unha prioridade global”.
Dentro dese benestar, derrubar as barreiras para a inserción no mundo laboral e destacar as capacidades das persoas con problemas de saúde mental é importante para sensibilizar á sociedade e ás empresas e atopar solucións axeitadas para este problema.


As fotografías poderanse ver no blog mentalizaccion.org, na web e nas redes sociais de Saúde Mental Feafes Galicia durante a primeira quincena de outubro. O Comité convida a todas as persoas a difundir a campaña nas redes sociais empregando o hagstag #VémoloClaro, e a que se animen tamén a compartir as súas experiencias neste ámbito.

A campaña pretende dar continuidade á presentada o ano pasado, “Botemos o estigma ao lixo”, amosando que sucede cando unha persoa con problemas de saúde mental accede a un emprego.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

Este sitio usa Akismet para reducir el spam. Aprende cómo se procesan los datos de tus comentarios .