E digo eu, cando a vida foi doada? Quen dixo que fose doado atopar traballo? O ser humano sempre tivo que enfrontarse ás dificultades que surxen por diversos factores,  ben sexan propios del, da súa herdanza xenética, externos como poden ser de índole natural ou producidos polo azar. Por non escribir das circunstancias e realidade do día a día de cada quen, as carencias ou enfermidades que ao longo da vida surxen sen búscalas.

Con este pequeno artigo quero transmitir letras de paciencia, ánimo,  constancia e ganas por loitar por ese futuro laboral que tanta falla e tanto ben nos fai a todos. Fóra prexuizos ou medos infundados que tanto nos paran e nos atrasan á hora de buscar traballo.

Entre todos axudarémonos, informarémonos e orientarémonos para que poidamos ter traballo ben remunerado e en boas condicións. Saúdos e que non nos freen o medo nin as limitacións porque dou fe de que todo o mundo aportamos moito. Ánimo a todas e todos!